20.12.2018
Fargʻona viloyati tumanlarida qoʻshimcha kichik sanoat zonalari tashkil etiladi
Fargʻona viloyatida qoʻshimcha kichik sanoat zonalari tashkil etish chora-tadbirlari toʻgʻrisidagi Hukumat qarori qabul qilindi. Bu haqida Adliya vazirligining “Huquqiy axborot” kanali maʼlum qildi.
Qaror bilan Fargʻona shahrida, Furqat, Quva, Oʻzbekiston, Oltiariq, Yozyovon va Qoʻshtepa tumanlarida kichik sanoat zonalari (KSZ) tashkil etilishi belgilandi.
KSZ hududidagi davlat koʻchmas mulki tadbirkorlarga keyinchalik mulk huquqi berilgan holda 10 yil muddatga ijaraga beriladi va ijara toʻlovining eng kam stavkasi belgilanadi.
Yer uchastkalarini berish toʻgʻrisidagi qaror Fargʻona viloyati erkin iqtisodiy zonalari va kichik sanoat zonalari maʼmuriy kengashi tomonidan qabul qilinadi.
