20.01.2015

Истиқболли лойиҳалар самараси

Давлатимиз раҳбарининг 2013 йил 12 июлдаги “2013-2015 йилларда Тошкент вилояти саноат салоҳиятини ривожлантириш дастури тўғрисида”ги қарори бу борада муҳим дастуриламал бўлаётир.

Мазкур ҳужжат ижроси юзасидан ишлаб чиқилган манзилли дастурга мувофиқ, туманда ўтган йиллар давомида енгил саноат ва қурилиш маҳсулотлари ишлаб чиқаришга ихтисослашган “Азалея гармент” Ўзбекистон-Россия қўшма корхонаси, “Диёрбек Чарос”, “Муҳиддин Сиддиқ ўғли” хусусий фирмалари каби тўққизта корхона ишга туширилди. Натижада 700 нафарга яқин киши иш билан таъминланди. Уларнинг турмуш фаровонлиги йилдан-йилга юксалиб, эртанги кунга бўлган ишончи мустаҳкамланиб бораётир.